நடிகை கீர்த்தி சுரேஷ் ‘வாஷி’ என்ற புதிய மலையாளப் படத்தை, அவரது குடும்பத்துடன் இணைந்து தயாரிக்கவிருக்கிறார். நடிகையாக மட்டுமே அறியப்பட்டவர் தற்போது தயாரிப்பாளராகவும் மாறியிருப்பதால், ‘வாஷி’ படத்திற்கு எதிர்பார்ப்புகள் கிளம்பியுள்ளன.
கடந்த 2014 ஆம அண்டு வெளியான ‘இது என்ன மாயம்’ படம் மூலம் தமிழில் அறிமுகமானார் கீர்த்தி சுரேஷ். ரஜினி முருகன், ரெமோ, தொடரி, சர்கார் உள்ளிட்ட படங்களில் நடித்தவர், கடந்த 2018 ஆம் ஆண்டு ‘நடிகையர் திலகம்’ படத்தில் நடித்ததற்காக தேசிய விருதையும் வென்றார். தற்போது, ரஜினியின், ‘அண்ணாத்த’, செல்வராகவனுடன் ‘சாணிக்காயிதம்’ உள்ளிட்டப் படங்களில் நடித்து வருபவர், மலையாளத்தில் ’வாஷி’ என்ற படத்தில் நடிக்கவுள்ளதோடு தயாரிக்கவும் இருக்கிறார்.
டோவினோ தாமஸ், கீர்த்தி சுரேஷ் நடிக்கும் இப்படத்தை விஷ்ணு ஜி ராகவ் இயக்கவிருக்கிறார். கீர்த்தி சுரேஷின் தந்தை ஒளிப்பதிவாளர் சுரேஷ் குமார், தாய் மேனகா சுரேஷ் குமார், அவரது அக்கா ரேவதி சுரேஷ் உள்ளிட்டோர் இப்படத்தை கீர்த்தி சுரேஷோடு இணைந்து தயாரிக்கிறார்கள். இப்படத்தின், டைட்டில் போஸ்டரை நடிகர் மோகன்லான் தனது ட்விட்டர் பக்கத்தில் வெளியிட்டு படக்குழுவினருக்கு வாழ்த்துகளைத் தெரிவித்துள்ளார்.
Source : WWW.PUTHIYATHALAIMURAI.COM