பிரியங்கா சோப்ராவுக்கு நிஜத்தில் வயது 38. பாலிவுட் சினிமாவில் வயது 20. ஒரு நடிகையாக அறிமுகமாகி இருபது ஆண்டுகள் கடந்த நிலையில், அந்த கொண்டாட்டத்தின் நினைவாக வீடியோ செய்தியை ரசிகர்களுக்காக ட்விட்டரில் அவர் பகிர்ந்துள்ளார்.
“சினிமாவில் என் இருபது ஆண்டுகளைக் குறிக்கிறது 2020. என்ன?! இந்தப் பயணம் முழுவதும் நீங்கள் அனைவரும் என் அருகிலேயே இருந்தீர்கள், உங்கள் விசுவாசமும் ஆதரவும் இந்த உலகை எனக்கானதாக மாற்றியது. என்னுடன் இந்த நினைவுப் பாதையில் நடந்து 2020-ல் 20 ஆண்டுகளைக் கொண்டாடுவோம்” என்று அந்த வீடியோவில் பேசியுள்ளார்.
இதனிடையே தமிழகத்தைச் சேர்ந்த ரசிகர் ஒருவர், தமிழில் அறிமுகமான தமிழன் படத்தைப் பற்றிக் குறிப்பிட்டு, “நீங்கள் 20 ஆண்டுகளைக் கடந்துவிட்டீர்கள். ஆனால் நான் இன்னும் பள்ளிப்பிராயத்தில் பார்த்து ரசித்த அந்தப் படத்தை நினைவில் வைத்திருக்கிறேன்” என்று பதிவிட்டுள்ளார்.