தர்மபுரி மாவட்டம் கம்பைநல்லூர் காவல் நிலையத்தில் நல்லம்பள்ளி தோக்கம்பட்டி மருதம் நகர் பகுதியை சேர்ந்த முதுகலை ஆசிரியர் சிவசக்தி என்பவர் புகார் அளித்துள்ளார். அப்புகாரில், “கடந்த இரண்டாம் தேதி பள்ளியில் மேலாண்மை குறித்து மாணவர்களுக்கு விழிப்புணர்வு கூட்டம் நடந்தது. அப்போது என்னிடம் 12 ஆம் வகுப்பு மாணவியின் தாயார் எனது மகள் சரியாக படிக்கவில்லை என கூறினார். இதையடுத்து அனைத்து மாணவர்களையும் நன்கு படிக்கும்படி அறிவுறுத்தினேன். இந்த நிலையில் அவரின் கிராமத்தை சேர்ந்த முன்னாள் மாணவர் ஒருவர் போனில் தொடர்பு கொண்டு, அந்தக் கூட்டத்தில் அவரைப் பற்றி தவறாக பேசியதாக கூறி தகாத வார்த்தையால் திட்டினார். பின்னர் கடந்த ஐந்தாம் தேதி பள்ளியில் ஆசிரியர் ஓய்வு அறையில் நான் இருந்தபோது, அந்த முன்னாள் மாணவர் திடீரென வந்து என்னை தகாத வார்த்தையில் திட்டினார். மேலும் அங்கிருந்த மணி அடிக்கும் கம்பியால் சரமாரியாக தாக்கினார்.
இதில், எனது கையில் காயம் ஏற்பட்டு தருமபுரி அரசு மருத்துவமனையில் சிகிச்சை பெற்றுள்ளேன். எனவே என்னை தாக்கிய அந்த முன்னாள் மாணவர் மீது நடவடிக்கை எடுக்க வேண்டும்” என தெரிவித்துள்ளார்.
இது குறித்து ஆசிரியரை பள்ளியில் புகுந்து தாக்கிய முன்னாள் மாணவரை நான்கு பிரிவுகளின் கீழ் வழக்குப்பதிவு செய்து விசாரணை நடத்தி வருகின்றனர். அந்த மாணவர் தற்போது சென்னையில் உள்ள கல்லூரி ஒன்றில் படித்து வருகிறார். போலீஸார் வழக்கு பதிவு செய்ததை அறிந்ததும் அவர் தலைமறைவாகிவிட்டார். அவரை கைது செய்ய போலீஸார் நடவடிக்கை எடுத்து வருகின்றனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/crf99e88
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/crf99e88