எல்.ஐ.சி-யின் “ஜீவன் உத்சவ்” புதிய திட்டம்… சிறப்பு அம்சங்கள் என்ன?

எல்.ஐ.சி-யின் சேர்மன் சித்தார்த் மொஹந்தி எல்.ஐ.சி-யின் “ஜீவன் உத்சவ்” என்னும் புதிய திட்டத்தை 29.11.2023 அன்று அறிமுகப்படுத்தியுள்ளார். எல்.ஐ.சி-யின் ஜீவன் உத்சவ், ஒரு தனி நபர் சேமிப்பு மற்றும் முழு ஆயுள் காப்பீட்டுத் திட்டமாகும். இது பிரீமியம் செலுத்தும் காலம் முழுவதும் உறுதியளிப்புத் தொகை அளிக்கக் கூடிய வரையறுக்கப்பட்ட பிரீமியம் செலுத்தும் திட்டமாகும்.

பாலிசியின் சிறப்பு அம்சங்கள்…

• இத்திட்டத்தில் 90 நாள்கள் முதல் 65 வயது வரை உள்ளவர்கள் பயன் பெறலாம்.

• ஆயுள் முழுவதும் உறுதியளிக்கப்பட்ட வருமானம் மற்றும் ஆயுள் முழுவதும் காப்பீட்டுப் பாதுகாப்பு உண்டு.

• குறைந்தபட்ச பிரீமியம் செலுத்தும் காலம் 5 ஆண்டுகள் மற்றும் அதிகபட்ச பிரீமியம் செலுத்தும் காலம் 16 ஆண்டுகள்

• ஒவ்வொரு பாலிசி வருடமும் பிரீமியம் செலுத்தப்பட்ட பிறகு அடிப்படை காப்புத்தொகையின் ஒவ்வொரு ஆயிரம் ரூபாய்க்கும் ரூ.40 உறுதியளிப்புத் தொகையாக பிரீமியம் செலுத்தும் காலத்தில் பாலிசி வருடமுடிவில் வரவு வைக்கப்படும்.

• பிரீமியம் செலுத்தும் காலத்திற்குப் பிறகு பாலிசிதாரர் வாழ்வுக்காலப் பயனாக கீழ்க்கண்ட தேர்வுப்பயன்களில் ஒன்றை தேர்வு செய்யலாம்.

தேர்வு 1 : சீரான வருமான பலன்

ஒவ்வொரு பாலிசி ஆண்டின் முடிவிலும் ஒத்திவைப்பு காலமான 3 முதல் 6 ஆண்டுகள் கழித்து அடிப்படை ஆயுள் காப்பீட்டுத்தொகையில் 10% வழங்கப்படும்

தேர்வு 2 : விருப்ப வருமான பலன்

ஒவ்வொரு பாலிசி ஆண்டின் முடிவில் வழங்கப்படும் 10% ஆயுள் காப்பீட்டுதொகையை உடனடியாக பெறாமல், அதனை மொத்தமாக பிறகு எல்.ஐ.சி-யின் பாலிசி நிபந்தனைகளின் படி பிறகு பெற்றுக்கொள்ளும் வசதி. இதற்கு 5.5% ஆண்டு கூட்டு வட்டியும் அளிக்கப்படுகிறது.

காப்பீட்டின்  பலன்கள்

காப்பீட்டுப் பாதுகாப்பு தொடங்கப்பட்ட பிறகு பாலிசி நடப்பில் இருந்தால், பாலிசிதாரர் இறப்பின் போது “இறப்புக் காப்பீட்டுத் தொகை” சேர்ந்துள்ள உறுதியளிப்புத் தொகையுடன் அளிக்கப்படும். இறப்பு தேதி வரை செலுத்தப்பட்ட பிரீமியத்தின் 105% -க்கு குறையாமல் இறப்பு பலன் வழங்கப்படுகிறது. “அடிப்படை காப்பீட்டுத்தொகை” அல்லது “ஆண்டுப்பிரீமியத்தின் 7 மடங்கு“ இவற்றில் எது அதிகமோ அது இறப்புக் காப்பீட்டுத் தொகையாக நிர்ணயிக்கப்படும்.

• முதிர்வுப் பயனுக்கு மாற்றாக, ஒத்திவைப்பு காலத்திற்கு பிறகு சீரான/விருப்ப வருமான பலன் வழங்கப்படுகிறது.

• கடன் வசதி உண்டு

• உயர் காப்பீட்டுத் தொகைக்கான பிரீமியத்தில் தள்ளுபடி உண்டு

• இத்திட்டத்தில் 5 விருப்பத்தேர்வு பயன்கள் அளிக்கப்படுகின்றன.

• விபத்தினால் நேரும் உயிரிழப்பு மற்றும் திறன் செயலிழப்பு

• விபத்து காப்பீடு

• டெர்ம் அஷ்யூரன்ஸ் தேர்வு

• இடர்தரும் நோய்களுக்கான பயன்

• வருங்கால பிரீமியங்களிலிருந்து விலக்கு

இத்திட்டத்தை அங்கீகரிக்கப்பட்ட முகவர்கள், கார்ப்பரேட் முகவர்கள், தரகர்கள், காப்பீட்டு வணிக நிறுவனங்கள் மற்றும் ஆன்லைனிலும் பெறலாம். (இதன் தனித்த அடையாள எண் 512N363V01)

மேலும் விவரங்களுக்கு www.licindia.in என்ற வலைதளத்தை பார்க்கலாம்.