BSNL நிறுவனம் கடந்த ஆண்டின் மூன்றாம் காலாண்டில் ரூ.262 கோடி நிகர லாபம் ஈட்டியதாக அறிவித்துள்ளத்து. இதன் மூலம் 17 ஆண்டுகளுக்குப் பிறகு லாபத்துக்கு திரும்பி இருக்கிறது BSNL.
அரசு நிறுவனமான BSNL அதன் விரிவாக்கம் மற்றும் சந்தாதாரர் அடிப்படையிலான சேவைகளில் கவனம் செலுத்த தொடங்கியபிறகு இது மிகப் பெரிய திருப்புமுனை எனக் கூறியுள்ளார் மத்திய அமைச்சர் ஜோதிராதித்ய சிந்தியா,
கடந்த ஆண்டில் BSNL பல விஷயங்களில் முன்னனேறியிருக்கிறது. முழுமையான இயக்கமாக 14 முதல் 18 விழுக்காடு உயர்ந்துள்ளது. வீட்டிற்கு ஃபைபர் சேவை (FTTH) வழங்குவதும் குத்தகைக்கு இணைப்புகளை விடுவதும் அதிகரித்துள்ளது. சிந்தியா கூறவதன்படி, சந்தாதாரர்கள் எண்ணிக்கை, ஜூன் மாதம் 8.4 கோடியாக இருந்ததிலிருந்து 9 கோடியாக வளர்ந்துள்ளது.
“இந்த நாள் BSNL-க்கும் இந்திய தொலைத்தொடர்பு துறைக்கும் முக்கியமான நாள். கடந்த ஆண்டில் மூன்றாம் காலாண்டில் 17 ஆண்டுகளுக்குப் பிறகு காலாண்டு பதிவில் லாபமடைந்திருக்கிறது.” என்றார் சிந்தியா.
அந்த காலாண்டில் மொபைல் தொடர்பு போன்ற சேவைகள் மூலம் கிடைக்கும் வருவாய் 15% அதிகரித்துள்ளது. FTTH வருவாய் 18 %, குத்தகைக்கு விடப்பட்ட இணைப்புகள் மூலம் கிடைக்கும் வருவாய் 14% அதிகரித்துள்ளது.
கடந்தஆண்டில் மூன்றாம் காலாண்டில் புதிய விஷயங்களை செயல்படுத்துதல், நெட்வொர்க் விரிவாக்கம், செலவுகளை கவனமாக கையாளுதல் மற்றும் வாடிக்கையாளர்களை மையமாகக் கொண்ட சேவை மேம்பாடுகளில் BSNL கவனம் செலுத்தியுள்ளது.
2023-24 நிதியாண்டை விட கடந்த நிதியாண்டில் நஷ்டம் 1,800 கோடி குறைந்துள்ளது. இதற்கு செலவுகளைக் குறைத்தது முக்கிய காரணம் என்கின்றனர்.
வாடிக்கையாளர்கள் அனுபவத்தை மேம்படுத்துவதற்காக National WiFi Roaming, அனைத்து மொபைல் வாடிக்கையாளர்களுக்கும் இலவச பொழுதுபோக்குக்காக BiTV, அனைத்து FTTH வாடிக்கையாளர்களுக்கும் IFTV சேவை போன்றவற்றை வழங்குகிறது.
இந்த ஆண்டு BSNL 4ஜி சேவையை வழங்கியது முக்கியமான திருப்பமாக பார்க்கப்படுகிறது. மொத்தமாக 1,00,000 டவர்கள் வைக்க திட்டமிடப்பட்டது. அதில் 75,000 டவர்கள் நிறுவப்பட்டுவிட்டன, 60,000 செயல்பாட்டுக்கு வந்துவிட்டன. இந்த ஆண்டு ஜூன் மாதத்துக்குள் அனைத்து டவர்களும் செயல்பாட்டுக்கு வரும் என சிந்தியா தெரிவித்துள்ளார்.
Vikatan Play
இப்போது ஆடியோ வடிவிலும் வந்துவிட்டான் `பறம்பின் நாயகன்’ பாரி; அறமும் வீரமும் நிறைந்த அவனின் கதையைக் கேட்டு மகிழுங்கள்!
https://tinyurl.com/Velpari-Vikatan-Play