சிவகங்கை மாவட்டம் மானாமதுரை அருகில் மேலப்பிடாவூர் கிராமத்தைச் சேர்ந்த பட்டியல் சமூகத்தை சேர்ந்த ஒரு தம்பதிக்கு இரண்டு மகன்கள்.
மூத்த மகன் திருச்சியில் தனியார் நிறுவனத்தில் வேலை செய்து வரும் நிலையில், இளையமகன் சிவகங்கை அரசுக் கல்லூரியில் பி.எஸ்.சி படித்து வந்தார்.
மேலப்பிடாவூர் கிராமத்தில் இவர்களுடன் சேர்ந்து இரண்டு குடும்பங்களே பட்டியல் சமூகத்தை சேர்ந்தவர்கள் என்பதாலும், புதிதாக வீடு கட்டி வசித்து வந்ததாலும், கிராமத்தில் பெரும்பான்மையாக உள்ள குறிப்பிட்ட சமூகத்தை சேர்ந்தவர்கள் அவ்வப்போது சாதி ரீதியாக தீண்டாமை கொடுமைகளில் ஈடுபட்டு வந்துள்ளனர் என்ற குற்றச்சாட்டு எழுந்து வந்தது.
சமீபத்தில், தனது சித்தப்பா வாங்கிய புல்லட் பைக்கில் கல்லூரிக்கு தினமும் சென்று வந்த தம்பதியின் இளைய மகன், அந்த ஊரைச் சேர்ந்த வினோத், ஆதி ஈஸ்வரன், வல்லரசு ஆகியோர் தகராறு செய்து வந்துள்ளனர், ஏற்கனவே பைக்கை அடித்து உடைத்தும் உள்ளார்கள். இதுகுறித்து காவல் நிலையத்தில் புகார் கொடுத்ததற்கு ஊரில் உள்ளவர்கள் சமாதனம் பேசி முடித்துள்ளார்கள்.
இந்த நிலையில் நேற்று மாலை தம்பதியின் இளைய மகன் கல்லூரி முடித்துவிட்டு வீட்டுக்கு பைக்கில் வரும்போது “இந்த சாதியில இருந்துகிட்டு, எங்க முன்னாடியே எப்படிடா புல்லட் ஓட்டலாம், கை இருந்தால்தானே பைக் ஓட்ட முடியும்” என்று ஆத்திரத்துடன் பேசியபடி வைத்திருந்த வாளால் இரண்டு கைகளையும் வெட்டி உள்ளார்கள். கை துண்டாகும் அளவுக்கு தாக்கப்பட்ட இளைஞரின் உயிரைக் காப்பாற்றிக் கொள்ள தப்பித்து ஓட, அவர்கள் அங்கிருந்து சென்றுள்ளனர்.
இந்த சம்பவம் தெரிந்து பதறிப்போன குடும்பத்தினர் இளைஞரை மீட்டு சிவகங்கை அரசு மருத்துவமனைக்கு கொண்டு சென்று முதல் உதவி சிகிச்சை அளித்தபின், உயர் சிகிச்சைக்காக மதுரை ராஜாஜி அரசு மருத்துவமனையில் சேர்த்தனர்.
இவர்கள் மருத்துவமனைக்கு சென்ற நேரத்தில் வினோத், ஆதி ஈஸ்வரன், வல்லரசு ஆகியோர் தாக்குதலுக்குள்ளான இளைஞரின் வீட்டை அடித்து நொறுக்கி அராஜகத்தில் ஈடுபட்டுள்ளார்கள்,
மானாமதுரை காவல் நிலையத்தில் புகார் கொடுத்ததைத் தொடர்ந்து சம்பந்தப்பட்ட வினோத், ஆதி ஈஸ்வரன், வல்லரசு ஆகியோரை கைது செய்த காவல்துறையினர், சாதிய தீண்டாமை வன்கொடுமை தடுப்புச் சட்டத்தின் கீழ் வழக்கு பதிவு விசாரித்து வருகின்றனர். இம்மூவர் மீதும் கொலை மற்றும் கொள்ளை வழக்குகள் நிலுவையில் உள்ளது என்று சொல்லப்படுகிறது. இச்சம்பவம் சிவகங்கை மாவட்டத்தில் அதிர்ச்சியை ஏற்படுத்தியுள்ளது.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும் https://bit.ly/3OITqxs
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3OITqxs