பாலிவுட் நடிகர் சல்மான் கான் வீட்டின் மீது கடந்த ஏப்ரல் மாதம் துப்பாக்கியால் சுட்டது தொடர்பான வழக்கில் வெளிநாட்டில் பதுங்கி இருக்கும் அன்மோல் பிஷ்னோய் குற்றவாளியாகச் சேர்க்கப்பட்டுள்ளார். அன்மோல் பிஷ்னோய் சகோதரர் லாரன்ஸ் பிஷ்னோய் தற்போது குஜராத் சிறையில் அடைக்கப்பட்டுள்ளார்.
கடந்த மாதம் சல்மான் கானுக்கு மிகவும் நெருக்கமான மகாராஷ்டிரா முன்னாள் அமைச்சர் பாபா சித்திக் மும்பையில் படுகொலை செய்யப்பட்டார். இப்படுகொலையையும் அன்மோல் பிஷ்னோயும், லாரன்ஸ் பிஷ்னோயும் சேர்ந்து செய்ததாகக் கூறப்படுகிறது. இது தவிர சல்மான் கானைக் கூலிப்படை வைத்து கொலை செய்யவும் சகோதரர்கள் சதித்திட்டம் தீட்டியதாகக் குற்றஞ்சாட்டப்படுகிறது. இக்குற்றச்சாட்டுகளால் அன்மோல் பிஷ்னோயைக் கைது செய்ய இண்டர்போல் போலீஸார் மூலம் ரெட்கார்னர் நோட்டீஸ் விடப்பட்டது. அதனைத்தொடர்ந்து தங்களது நாட்டில் அன்மோல் பிஷ்னோய் இருப்பதாக அமெரிக்கா தெரிவித்தது.
மத்திய அரசு அன்மோல் பிஷ்னோயை இந்தியாவிற்கு நாடு கடத்திக்கொண்டு வர தேவையான நடவடிக்கை எடுத்தது. இதனைத்தெரிந்து கொண்டு அன்மோல் பிஷ்னோய் தானாகச் சென்று அமெரிக்க போலீஸாரிடம் சரணடைந்திருப்பதாக அங்கிருந்து வரும் தகவல்கள் கூறுகின்றன. அதோடு அமெரிக்காவில் தனக்கு அகதி அந்தஸ்து கொடுத்து அடைக்கலம் கொடுக்க வேண்டும் என்று கோரி அன்மோல் பிஷ்னோய் தனது வழக்கறிஞர் மூலம் விண்ணப்பித்திருக்கிறார். இதனால் அவரை உடனடியாக நாடு கடத்த வாய்ப்பு இல்லை என்று அமெரிக்க அதிகாரிகள் தெரிவித்துள்ளனர்.
அன்மோல் மீது கனடாவிலும் வழக்குகள் இருக்கின்றன. கனடாவும் அவரை தங்களிடம் ஒப்படைக்க வேண்டும் என்று கோரி இருக்கிறது. அடைக்கலம் கோரி விண்ணப்பித்து இருந்தால் அந்த மனு மீது முடிவு எடுக்கப்படும். முன்பு அந்த நபர் ஜாமீனில் விடுவிக்கப்பட வாய்ப்பு இருக்கிறது. அன்மோல் பிஷ்னோய் கூட்டாளி கொல்டி பிரர் என்பவரும் இதே போன்று அமெரிக்காவில் அடைக்கலம் கேட்டு விண்ணப்பித்துவிட்டு அமெரிக்காவில் வாழ்ந்து கொண்டிருக்கிறார். அதே முறையை அன்மோல் பிஷ்னோயும் பின்பற்றி இருக்கிறார். இதனால் இந்தியா அல்லது கனடாவிற்கு நாடு கடத்தப்படுவதை அன்மோல் பிஷ்னோய் தடுத்து நிறுத்தி இருக்கிறார் என்று கூறப்படுகிறது.
நீங்கள் விரும்பி படித்த தொடர்கள், இப்போது ஆடியோ வடிவில்… புத்தம் புதிய விகடன் ப்ளே… உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்…
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/46c3KEk
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.