பெரும் எதிர்பார்ப்புகளுக்கு மத்தியில் விஜய்யின் தமிழக வெற்றிக் கழகத்தின் முதல் மாநாடு, வி.சாலையில் இன்று மாலை 3 மணியளவில் கட்சிப் பாடலுடன் தொடங்கி தற்போது நடைபெற்று வருகிறது.
விஜய்யின் பெற்றோர்களான ஷோபா மற்றும் எஸ்.ஏ.சந்திரசேகர் ஆகியோர் மாநாட்டில் கலந்துகொண்டுள்ளனர். மாநாட்டில் பல்லாயிரக் கணக்கான மக்கள் கலந்துகொண்டிருக்கின்றனர். விஜய் தொண்டர்களுக்கு கை அசைத்தப்படி, முழுமையாக நடந்து சென்று பின் மேடைக்குத் திரும்பினார். அக்கட்சியின் பொதுச்செயலாளர் என்.ஆனந்த் வரவேற்புரை ஆற்றினார். வரவேற்புரை முடிந்ததும், கட்சியின் புதிய கொள்கை பாடல் ஒலிக்கப்பட்டது. தமிழக வெற்றிக் கழகத்தின் கொள்கைப் பாடல் வரிகள் இங்கே!!!
வெற்றி வெற்றி வெற்றி வாகை வெற்றி வெற்றி வெற்றி வாகை
பிறப்பொக்கும் எல்லா உயிர்க்கும்
அறத்தோடு வாழும் குலத்தோன் இதோ
தமிழ்த்தாயின் பிள்ளை தலைச்சன் இதோ
உழைக்கும் இனத்தின் விளைச்சல் இதோ
வெற்றி வெற்றி வெற்றி வாகை வெற்றி வெற்றி வெற்றி வெற்றி வெற்றி வாகை
தமிழ் வணக்கம் அனைவருக்கும் புது சரித்திரம் இனி பிறக்கும்
போர் துவக்கம் யார் தடுத்தும் இது நடநடவென நடக்கும்!
பறை முழங்கிட தரை நடுங்கிட தலைமுறை தலை நிமிர்த்தும்
இனம் விடுதலையினை சுவைக்கும்
ஒளிநிரந்தரமென நிலைக்கும். நில்லாமல் போராடு வெல்லும் வரை
இல்லாமை இல்லாமல் செல்லும் வரை
துப்பார்க்குத் துப்பாய துப்பாக்கித் துப்பார்க்குத்
துப்பாய தூஉம் மழை
நினைத்தால் முடிப்போம் மாறும் நிலை
ஐயா! வாகை வாகை வாகை
வெற்றித் தமிழ் வாகை யானை யானை யானை யானை
இது ரெட்டைப் போர் யானை
“என் நெஞ்சில் குடியிருக்கும் தோழர்களே, பிறப்புக்கும் எல்லா உயிர்க்கும் என்று சொன்ன ஆதியோன் திருவள்ளுவர் வழியில் நம்முடைய தமிழக வெற்றிக் கழகத்தின் கொள்கைத் தலைவராக பகுத்தறிவு பகலவன் தந்தை பெரியாரையும், பெருந்தலைவர் காமராஜரையும், அரசியல் சட்ட மாமேதை டாக்டர் அம்பேத்கரையும், வீரத்தமிழ் மங்கை வேலுநாச்சியாரையும், மக்கள் சேவகர் அஞ்சலையம்மாளையும் நம்முடைய அரசியல் வழிகாட்டிகளாக ஏற்று, சாதி, மத, பாலின பாகுபாடு இல்லாத சமத்துவ சமுதாயத்தை உண்டாக்க, மதச்சார்பற்ற சமூக நீதிக் கொள்கைகளோடு தமிழக வெற்றி கழகத்தின் வழியாக உங்களுக்காக உழைக்கனும்னு நான் வரேன்”
கொள்கைத் தலைவர்கள் யார்?
கொள்கை வேர்தன்னைப் பார்
கொள்கைத் தலைவர்கள் யார்?
கொள்கை வேர்தன்னைப் பார்
மொழி எழுந்திட
தரை விழுந்திட்ட
குருதியில் மன
உறுதியும் பெற
மதம், இனம், மொழி, பாலினமது
சமமெனப் புது யுகம் பிறந்திட
நீர் மருத்துவம்
காற்று உணவோடு
கல்வி உலகத்தரமடைந்திட
அறிவியலோடு அழகிய தமிழ்நாடெனப்
புகழ் வானுயர்ந்தியட
நமது உரிமை
நமது பெருமை
கரங்கள் இணைய
மாறும் நிலைமை
மண் பயனுற
பெண் பயனுற
இத்தலைமுறை
புத்தொளி பெற
வெற்றித் தலைவன் வழியில்
நித்தம் செல்வோம்
கொள்கைத் தலைவன் வழியில்
யுத்தம் வெல்வோம்
மொழித்தியாக முன்னோரைக்
கொண்டாடவே
மதச்சார்பு இல்லா
ஜனம் சேரவே
விழிப்போம் உழைப்போம் நமக்காகவே
இலக்கே நமக்கே
ஜெயம் நாளையே
தமிழக வெற்றிக் கழகம்
எதிர்காலம் அமைக்கும்
கழகம்
தமிழக வெற்றிக் கழகம்
தமிழ் நாட்டை உயர்த்தும் கழகம்
நல்வாக்கும் உனதே
நல்லாட்சி நமதே
முன்னேற்றம் வருதே
கொண்டாட்டம் தருதே
நல்வாக்கும் உனதே
நல்லாட்சி நமதே
முன்னேற்றம் வருதே
கொண்டாட்டம் தருதே
பிறப்பொக்கும் எல்லா உயிர்க்கும்
யாதும் ஊரே
யாவரும் கேளிர்
தமிழக வெற்றிக் கழகம் வாழி
புதியதோர் விதி ஒன்றை
புதுமையை நாம் செய்வோம்!