விஜய்யின் தமிழக வெற்றிக் கழகத்தின் முதல் மாநில மாநாடு விக்கிரவாண்டியின் வி.சாலையில் இன்று நடைபெறவிருக்கிறது. இதனைத் தொடர்ந்து மாநாட்டுத் திடலை நோக்கி எக்கச்சக்கமான வாகனங்களில் தொண்டர்கள் படையெடுத்து வருகின்றனர்.
காவல்துறையினர் தரப்பில் குறைந்தபட்சமாக 2 லட்சத்துக்கும் மேலான தொண்டர்கள் வருவார்கள் என எதிர்பார்த்து அதற்கேற்ப பாதுகாப்பு ஏற்பாடுகளை செய்திருந்தனர். இப்போதைய நிலவரப்படி எதிர்பார்த்ததை விட அதிகமான வாகனங்களில் தொண்டர்கள் மாநாட்டுத் திடலை நோக்கி வருவதாக தெரிகிறது.
தொண்டர்களை வரிசையாக நிற்க வைத்து திடலுக்குள் அனுமதிக்கும் பொருட்டு பேரி கார்டுகளை அமைத்திருக்கிறார்கள். 10 மணி நிலவரப்படி வி.சாலையிலுள்ள மாநாட்டுத் திடலிலிருந்து 2.5 கி.மீ தூரத்துக்கும் அதிகமாக தொண்டர்கள் வரிசையில் நிற்கின்றனர்.
வி.சாலையிலிருந்து 6 கி.மீ தொலைவுக்கு முன்பாக விக்கிரவாண்டி டோல்கேட் இருக்கிறது. மேற்கு மாவட்டங்களிலிருந்தும் தெற்கு மாவட்டங்களிலிருந்தும் அதிகப்படியான வண்டிகள் இந்த டோல் கேட்டை தாண்டி சென்றுகொண்டிருக்கிறது.
மாநாட்டுத் திடலுக்கு அருகே ஏற்கனவே ஏற்பாடு செய்யப்பட்டிருந்த பார்க்கிங்குகள் முழுவதுமாக நிரம்பும் நிலைக்கு வந்துவிட்டதால், கூடுதலாக அருகே 12 ஏக்கர் நிலத்தையும் காவல்துறை பார்க்கிங்கிற்காக ஒதுக்கியிருப்பதாக சொல்கிறார்கள். திண்டிவனம், மயிலம் போன்ற பகுதிகளில் காவல்துறையினர் போக்குவரத்தை திருப்பியும் விட்டிருக்கின்றனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/3PaAEiY
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3PaAEiY