ரூ. 10 ஆயிரத்துக்கு குறைவான விலையில் சிறந்த பட்ஜெட் மொபைலாக வெளியாகி உள்ளது ரெட்மி 10ஏ.
இந்திய ஸ்மார்ட்போன் சந்தையில் முன்னணியில் இருக்கும் நிறுவனம் “ஷாவ்மி”. தற்போது இந்நிறுவனம் தனது புதிய ஸ்மார்ட் போன் Redmi 10A இந்தியாவில் அறிமுகப்படுத்தியது. இதற்கு முன்பு வெளியான ரெட்மி 9ஏ மொபைலின் அடுத்த வெர்ஷனாக இது வெளியாகியுள்ளது. ரூ. 10 ஆயிரத்துக்கு குறைவான விலையில் சிறந்த பட்ஜெட் மொபைலாக சந்தையில் அறிமுகமாகி உள்ளது.
சிறப்பம்சங்கள் என்னென்ன?
ரெட்மி 10ஏ ஆனது ஆண்ட்ராய்டு அடிப்படையிலான MIUI 12.5 இல் இயங்குகிறது. 6.53-இன்ச் HD+ (720×1,600 பிக்சல்கள்) IPS டிஸ்ப்ளே 20:9 விகிதத்துடன் வெளியாகி உள்ளது. வாட்டர் டிராப்-ஸ்டைல் நாட்ச் வசதியைக் கொண்டுள்ளது. ஆக்டா கோர் மீடியாடெக் ஹீலியோ ஜி25 SoC மூலம் இயக்கப்படுகிறது. 4G LTE, Wi-Fi 802.11 b/g/n, Bluetooth 5 மற்றும் GPS/ A-GPS ஆகிய வசதிகள் இடம்பெற்றுள்ளன. இந்த போனில் மைக்ரோ-யூஎஸ்பி போர்ட் மற்றும் 3.5மிமீ ஹெட்போன் ஜாக் உள்ளது. போனின் பின்புறத்தில் கைரேகை சென்சார் உள்ளது.
கேமரா எப்படி?
பின்புறத்தில் ஒரு 13-மெகாபிக்சல் கேமரா உள்ளது, f/2.2 துளை மற்றும் LED ஃபிளாஷ் உள்ளது. செல்ஃபிகள் மற்றும் வீடியோ சாட்களுகாக f/2.2 லென்ஸுடன் முன்பக்கத்தில் 5 மெகாபிக்சல் செல்ஃபி கேமரா சென்சார் உள்ளது.
பேட்டரி எவ்வளவு?
ரெட்மி 10ஏ 5,000mAh பேட்டரியுடன் வருகிறது. மேலும் இது 10W சார்ஜர் வழங்கப்பட்டுள்ளது. ஃபோன் அளவு 164.9×77.07x9mm மற்றும் 194g எடை கொண்டது.
என்ன விலை?
இந்தியாவில் ரெட்மி 10ஏ-இன் ஆரம்ப விலை 3 ஜிபி ரேம் + 32 ஜிபி சேமிப்பு மாறுபாட்டிற்கு ரூ. 8,499. இந்த போன் 4ஜிபி + 64ஜிபி பதிப்பிலும் வருகிறது, இதன் விலை ரூ. 9,499. ரெட்மி 10ஏ ஆனது ஏப்ரல் 26 ஆம் தேதி மதியம் 12 மணிக்கு Xiaomi இணையதளம் மற்றும் அதிகாரப்பூர்வ கடைகளில் வாங்குவதற்கு கிடைக்கும். இது சார்கோல் பிளாக், சீ ப்ளூ மற்றும் ஸ்லேட் கிரே ஆகிய நிறங்களில் விற்கப்படுகிறது. மேலும் கடினமான பின்புற பேனல் மாசுபாடு இல்லாததாக இருக்கும் என்று Xiaomi தெரிவித்துள்ளது.