‘கே.ஜி.எஃப் சேப்டர் 2’ திரைப்படம் கடந்த ஏப்ரல் 14 வெளியாகி மக்களிடையே நல்ல வரவேற்பைப் பெற்று வருகிறது. இதில் நடிகர் யஷ் நீண்ட தாடியுடன், மிரட்டும் மேனரிசத்துடன் மாஸாக நடித்திருந்தார். அவரின் கெட்டப் ரசிகர்களைக் கவரும் படி இருந்து அது ஒரு ட்ரெண்ட் செட்டராகவும் மாறியது. இந்நிலையில் யஷ் தனது தாடியை எடுக்கும் காணொலி சமூக வலைதளங்களில் வைரலாகி வருகிறது.
அந்த காணொலியில் யஷ் தனது தாடியை எடுக்கத் தயாராகும் போது அவரது மனைவி ராதிகா பண்டிட் மகிழ்ச்சியாக அதை வரவேற்கிறார். இந்த வீடியோ இப்போது நடந்தது என்கிற ரீதியில் வைரலாகி வருகிறது. ஆனால், இது 2018-ம் ஆண்டில், யஷ் மற்றும் அவரது மனைவி ராதிகா பண்டிட் தங்கள் முதல் குழந்தையான ஐராவை எதிர்பார்த்துக் காத்துக்கொண்டிருந்தபோது வெளியானது. அதாவது ‘கே.ஜி.எஃப்’ முதல் பாகம் வெளியானதற்குப் பிறகு நிகழ்ந்த சம்பவம் இது. தற்போது யஷ் தன் தாடியை எடுக்கும் இந்த வீடியோ, பல மில்லியன் பார்வையாளர்களைத் தாண்டி வைரலாகி வருகிறது.