5000mAh பேட்டரி, ஐஎம்எக்ஸ் 615 செல்ஃபி கேமரா ஆகிய வசதிகளுடன் இந்தியாவில் வெளியானது “ஒன் – பிளஸ் 10”. இதன் சிறப்பம்சங்கள் என்னென்ன என்பதை பார்க்கலாம்.
இந்தாண்டு துவக்கத்திலேயே சீனாவில் அறிமுகமான “ஒன் – பிளஸ் 10” தற்போது இந்தியாவில் வெளியாகியுள்ளது. இந்த மொபைலின் டிஸ்ப்ளே அதன் முந்தைய வெர்ஷன் 9 ப்ரோவில் உள்ள அதே அளவு தெளிவுத்திறன், 120Hz புதுப்பிப்பு வீதம், 10-பிட் வண்ண ஆழம் மற்றும் HDR, வண்ண துல்லியம் மற்றும் குறைந்த நீல-ஒளி (UV) உமிழ்வுகளுக்கான வசதிகளைப் பெற்றுள்ளது. புதிய அம்சமாக இரண்டாம் தலைமுறை LTPO AMOLED பேனலின் பயன்பாடு வழங்கப்பட்டுள்ளது. இது Qualcomm Snapdragon 8 Gen 1 ஐப் பயன்படுத்துகிறது. 10 ப்ரோ 5ஜியில் உள்ள கூலிங் சிஸ்டம் இன்னும் மேம்பட்டது என்று OnePlus தெரிவித்துள்ளது.
இதன் பேட்டரி திறன் 5,000mAh ஆக அதிகரித்துள்ளது. முந்தைய வெர்ஷனைப் போல இது இரட்டை செல் பேட்டரி ஆகும். அரை மணி நேரத்தில் 96 சதவீதம் வரை சார்ஜ் செய்யும் வசதி கொண்டது. ஆனால் ஒன் – பிளஸ்10 ஒரு பெரிய மற்றும் சற்றே கனமான ஃபோன் ஆகும். கிட்டத்தட்ட 210 கி எடை கொண்டதாக வெளியாகியுள்ளது. ஒன் – பிளஸ் 10 Pro 5G இல் உள்ள மூன்று பின்புற கேமராக்களும் இரண்டாம் தலைமுறை ‘Hasselblad Camera for Mobile’ வண்ண அறிவியலைப் பயன்படுத்துகின்றன. முதன்மை மற்றும் டெலிஃபோட்டோ கேமரா சென்சார்கள் 9 ப்ரோவில் இருந்ததைப் போலவே இருந்தாலும், அல்ட்ரா-வைட் மற்றும் செல்ஃபி கேமரா சென்சார்கள் புதிய வசதிகளாக வழங்கப்பட்டுள்ளது.
ஒன் – பிளஸ் 10 ஆனது 150 டிகிரி பார்வை கொண்ட புதிய அல்ட்ரா-வைட் கேமராவைக் கொண்டுள்ளது. அல்ட்ரா-வைட் கேமரா இன்னும் 50 மெகாபிக்சல் தெளிவுத்திறனைக் கொண்டுள்ளது. சோனி ஐஎம்எக்ஸ்615 சென்சார் மூலம் செல்ஃபி கேமராவை மேம்படுத்தியுள்ளது. இது அதிக 32-மெகாபிக்சல் தெளிவுத்திறனைக் கொண்டுள்ளது. முக்கிய பின்புற கேமராவானது 48-மெகாபிக்சல் தெளிவுத்திறனைக் கொண்டுள்ளது. 8ஜிபி ரேம் மற்றும் 128ஜிபி சேமிப்பகத்துடன் வெளியான OnePlus 10 Pro 5G இன் விலை ரூ. 66,999 ஆகவும் 12ஜிபி ரேம் மற்றும் 256ஜிபி சேமிப்பகத்துடன் கூடிய OnePlus 10 Pro 5G இன் விலை ரூ. 71,999 ஆகவும் நிர்ணயம் செய்யப்பட்டுள்ளது.