“கொரோனா முதல் அலையை சிறப்பாக கட்டுப்படுத்தினோம்; ஆனால்…” – என்ன சொல்கிறார் எல்.முருகன்?

”மத்திய அரசு மீது மட்டுமே நாம் பழிபோடக்கூடாது. கொரோனா நோய்த்தொற்றைத் தடுப்பதில், நம் எல்லோருக்குமே பங்கிருக்கிறது என்பதை முதலில் அனைவரும் உணர்ந்துகொள்ள வேண்டும்.

”கொரோனாவின் முதல் அலையின்போது நம் அரசின் சரியான திட்டமிடல் மற்றும் முன்னெச்சரிக்கை நடவடிக்கைளால் பாதிப்பிலிருந்து முழுமையாக தற்காத்துக்கொண்டோம். இன்றைக்கு நம்மை குறைசொல்லி எழுதுகிற இந்தப் பத்திரிகைகளின் சொந்த நாடுகளிலேயேகூட கொரோனா தாக்கத்துக்கு பல லட்சம் பேர் பலியானார்கள்.

உருமாறிய கொரோனா வைரஸ், இப்படி ஆக்ஸிஜன் தேவையை உருவாக்கும் என்பது யாரும் கணித்திராதது. இக்கட்டான இந்தத் தேசியப் பேரிடர் காலத்தில், ஊடகம், எதிர்க்கட்சிகள் என அனைத்தும் அரசோடு இணைந்து செயலாற்றுவதுதான் பிரச்னையிலிருந்து நாம் வெளிவர உதவுமே தவிர, மேலும் மேலும் சிக்கலை ஏற்படுத்திக் கொண்டிருக்கக்கூடாது.”

”மகாராஷ்டிரா, டெல்லி ஆகிய மாநிலங்களில்தான் கொரோனா 2-வது அலை பாதிப்பு இருந்துவந்தது. மற்றபடி தேர்தல் நடைபெற்ற மாநிலங்களில் இந்தப் பிரச்னையே இல்லை. குறிப்பாக தமிழ்நாடு, கேரளா, அஸ்ஸாம் மாநில தேர்தல் பிரசாரங்களின்போது இந்த 2-வது அலை குறித்த பேச்சே எழவில்லை. ஆனால், மேற்கு வங்கத்தில் 6-வது கட்டப் பிரசாரத்தின்போதுதான் இந்தப் பிரச்னை எழுகிறது. இதுகுறித்த கள ரிப்போர்ட் கிடைத்ததும் பிரதமரும் உள்துறை அமைச்சரும்கூட உடனடியாக பிரசாரத்தை ஆன்லைன் வழியிலானதாக மாற்றிக்கொண்டார்கள்தானே.”

”இதை நாம் கண்டனம் என்று சொல்லமுடியாது. மக்களின் உயிரைப் பாதுகாக்க வேண்டும் என்பதில் அரசாங்கம், ஊடகம், நீதிமன்றம் என எல்லோருக்குமே அக்கறை இருக்கிறது.

அதனால்தான், ‘அனைத்து மாநிலங்களும் ஆக்ஸிஜன் தேவையைப் பூர்த்திசெய்துகொள்வதற்கான நடவடிக்கைகளை உடனடியாக எடுங்கள்’ என்று மத்திய அரசின் மருந்து கட்டுப்பாட்டுத் துறை மூலமாக கடந்த ஏப்ரல் 17-ம் தேதியே அனைத்து மாநிலங்களுக்கும் அலெர்ட் கடிதம் ஒன்று அனுப்பிவைக்கப்பட்டிருக்கிறது.

தமிழ்நாட்டில்கூட, ஆக்ஸிஜன் தேவையைப் பூர்த்தி செய்ய அனைத்துக்கட்சிக் கூட்டம் நடத்தி ஆக்கபூர்வ நடவடிக்கை எடுத்திருக்கிறோம். இதேபோல், டெல்லி அரசும் அலட்சியம் தவிர்த்து ஆக்ஸிஜன் தேவையைப் பூர்த்தி செய்திருக்க வேண்டும்.”

”இது தவறான வாதம்… இதுபோன்ற நோக்கம் எல்லாம் யாருக்கும் இல்லை. இக்கட்டான இந்த நேரத்தில், மக்களின் உயிரைக் காக்கக்கூடிய ஆக்ஸிஜனை தயாரிக்க வேண்டும் என்பது மட்டும்தான் நமது அக்கறை. எனவேதான், ‘ஆக்ஸிஜன் உற்பத்திக்காக மட்டுமே ஆலையைத் திறக்கவேண்டும்’ என்ற நிபந்தனையோடு அனைத்துக் கட்சியினரும் ஒப்புதல் அளித்திருக்கிறோம்.

மத்திய அரசு, மாநிலங்கள் அனைத்துக்கும் பொதுவானது. நாட்டு மக்கள் அனைவரின் நலத்தையும் பாதுகாக்கவேண்டிய பொறுப்பு மத்திய அரசுக்கு இருக்கிறது. ஆனால், ஸ்டெர்லைட்டில் தயாராகும் ஆக்ஸிஜனை , தமிழ்நாட்டுத் தேவைக்குப் போகத்தான் வெளி மாநிலங்களுக்கு கொடுக்கவேண்டும்’ என இங்கே சிலர் சொல்லிக்கொண்டிருக்கின்றனர்.

”அவர்கள் அப்படி சொல்லியிருக்கலாம். ஆனால், மத்திய அரசு, மக்கள் அனைவருக்கும் தடுப்பூசி பாதுகாப்பு கிடைக்கவேண்டும் என்ற அக்கறையோடுதான் செயல்பட்டு வருகிறது. தமிழ்நாட்டுக்குக்கூட அண்மையில் 9 லட்சம் தடுப்பூசி மருந்துகள் வந்து சேர்ந்திருக்கின்றன.”

”கொரோனா தடுப்பூசி மருந்து என்பது அவசர தேவையாக இருக்கிறது. இந்த நிலையில், அரசு பொதுத்துறை நிறுவனங்களில் மருந்து தயாரிப்பு, சோதனை என பலகட்டப் பரிசோதனை முயற்சிகளை செய்துபார்ப்பதற்கான கால நேரம் இல்லை.