திமுகவின் பி டீம் தான் சசிகலாவும், தினகரனும் என அமைச்சர் ஜெயக்குமார் தெரிவித்தார்
சென்னையில் இன்று செய்தியாளர்களைச் சந்தித்த அமைச்சர் ஜெயக்குமார், ”அதிமுகவுக்கும், சசிகலாவுக்கும் எந்த தொடர்பும் இல்லை. அதிமுக கொடியை பயன்படுத்துவதை ஏற்க முடியாது. சசிகலா வருகையால் பதற்றம் தினகரனுக்கே, அதிமுகவினருக்கு அல்ல. அதிமுகவில் ‘ஸ்லீப்பர் செல்’ கிடையாது. ஆனால் அதிமுகவில் சில எட்டப்பன்கள் இருக்கத்தான் செய்கிறார்கள்.
திமுகவின் பி டீம் தான் சசிகலாவும், தினகரனும். சட்டப்பேரவை தேர்தலில் அதிமுக நிச்சயம் வெற்றி பெறும். சசிகலாவை இணைக்கவோ, அதிமுக-அமமுக இணையவோ 100% வாய்ப்பில்லை. அதிமுகவில் அமைச்சர்கள், மாவட்ட செயலாளர்கள், தலைமை நிர்வாகிகள் ஒருமித்த கருத்துடன் உள்ளனர்” என்றார்.