கடந்த ஆண்டு அக்டோபர் மாதம் தொடங்கிய பிக்பாஸ் சீசன் – 4 இந்த வாரத்தோடு நிறைவடைய இருக்கிறது.
பிக்பாஸ் இறுதிப்போட்டியில் இப்போது ஆரி, பாலாஜி, ரம்யா, ரியோ, கேபி, சோம் என 6 பேர் இருக்கிறார்கள். இறுதிப்போட்டி பரபர டாஸ்க் தொடங்கயிருக்கும் நிலையில், கடந்த ஆண்டைப்போலவே 5 லட்சம் ரூபாய் பணம் பெற்றுக்கொண்டு வெளியேறுபவர்கள், வெளியேறலாம் என பிக்பாஸ் அறிவித்திருக்கிறார்.
6 போட்டியாளர்களில் கேபி இந்த வாய்ப்பைப் பயன்படுத்தி 5 லட்சம் ரூபாயோடு வெளியேறியிருக்கிறார். குழந்தை நட்சத்திரமாக கேப்ரியெல்லா, ஐஸ்வர்யா தனுஷ் இயக்கிய ‘3’ படத்தில் நடித்தவர். ஜோடி நம்பர் 1 சீசன் 7-ன் டைட்டில் வின்னர் கேபி என்பதும் குறிப்பிடத்தக்கது.
ஆரம்பத்திலேயே வெளியேற்றப்படுவார் என எதிர்பார்க்கப்பட்ட கேபி, பிக்பாஸ் வீட்டுக்குள் 100 நாட்கள் தாக்குப்பிடித்து விளையாடியிருக்கிறார்.
கேபி வெளியேறிய எபிசோடு இன்று இரவு ஒளிபரப்பாக இருக்கிறது.