ராஜஸ்தான் அணிக்கு எதிராக இன்று நடைபெறும் ஆட்டத்தில் டாஸ் வென்ற ஹைதராபாத் அணியின் கேப்டன் டேவிட் வார்னர் பேட்டிங்கை தேர்வு செய்தார்.
துபாயில் மாலை 3.30 மணிக்கு நடைபெறும் முதல் போட்டியில் ஸ்மித் தலைமையிலான ராஜஸ்தான் அணியும், வார்னர் தலைமையிலான ஹைதராபாத் அணியும் பலப்பரீட்சை நடத்துகின்றன.
இவ்விரு அணிகளும் இதுவரை 11 முறை நேருக்கு நேர் மோதியுள்ளன. அவற்றில் ஹைதராபாத் அணி 6 போட்டிகளிலும், ராஜஸ்தான் அணி 5 போட்டிகளிலும் வெற்றி பெற்றுள்ளன. இன்றையப் போட்டியில் ஹைதராபாத் அணியில் தமிழக வீரர் விஜய் சங்கர் சேர்க்கப்பட்டுள்ளார்.
ராஜஸ்தான் அணியில் இங்கிலாந்து அணியின் பென் ஸ்டோக்ஸ் சேர்க்கப்பட்டுள்ளார். இது அந்த அணிக்கு பலமாக பார்க்கப்படுகிறது.