ஷார்ஜா கிரிக்கெட் மைதானத்தில் நடப்பு ஐபிஎல் சீசனின் 52வது லீக் ஆட்டத்தில் சன்ரைசர்ஸ் ஹைதராபாத் அணியும், ராயல் சேலஞ்சர்ஸ் பெங்களூரு அணியும் விளையாடின.
டாஸ் வென்ற ஹைதராபாத் கேப்டன் வார்னர் பவுலிங் தேர்வு செய்தார்.
இதையடுத்து பெங்களூரு அணி முதலில் பேட் செய்தது.
தேவ்தத் படிக்கலும், ஜோஷ் பிலிப்பும் பெங்களூரு அணிக்காக இன்னிங்க்ஸை ஓப்பன் செய்தனர்.
படிக்கல் 8 பந்துகளை சந்தித்த நிலையில் 5 ரன்கள் எடுத்த நிலையில் சந்தீப் ஷர்மா பந்து வீச்சில் கிளீன் போல்டானார்.
தொடர்ந்து களம் இறங்கிய கோலியும் 7 ரன்களில் வெளியேற பவர் பிளே ஓவர் முடிவில் 30 ரன்களுக்கு 2 விக்கெட்டுகளை இழந்து தடுமாறியது ஆர்.சி.பி.
டிவில்லியர்ஸும், ஜோஷ் பிலிப்பும் இன்னிங்க்ஸை ஸ்டெடி செய்ய முயன்றனர். இருப்பினும் அந்த முயற்சியில் தோல்வியை தழுவினர்.
டிவில்லியர்ஸ் 24 ரன்களிலும், பிலிப் 32 ரன்களிலும் வெளியேறினர்.
வாஷிங்க்டன் சுந்தர் தன் பங்கிற்கு 21 ரன்களை எடுத்தார்.
20 ஓவர்கள் முடிவில் 7 விக்கெட் இழப்பிற்கு 120 ரன்களை எடுத்தது பெங்களூரு.
ஹைதராபாத் அணிக்காக தமிழகத்தை சேர்ந்த நடராஜன் பந்து வீச்சில் மிரட்டினார். 4 ஓவர்கள் வீசி வெறும் 11 ரன்களை மட்டுமே கொடுத்து ஒரு விக்கெட்டையும் வீழ்த்தினார் அவர்.
தொடர்ந்து ஹைதராபாத் அணி 121 ரன்களை சேஸ் செய்தது.
வார்னரும், சாஹாவும் ஓப்பனர்களாக களம் இறங்கினர்.
வாஷிங்க்டன் சுந்தரின் பந்து வீச்சில் இரண்டாவது ஓவரிலேயே வார்னர் எட்டு ரன்களுக்கு ஆட்டம் இழந்தார்.
தொடர்ந்து இறங்கிய மணீஷ் பாண்டே, சாஹாவோடு இணைந்து 50 ரன்களுக்கு பார்ட்னர்ஷிப் அமைத்தார்.
19 பந்துகளில் 26 ரன்களை சேர்த்த மணீஷ் பாண்டே சஹாலின் சுழலில் விக்கெட்டை இழந்தார்.
சாஹா 32 பந்துகளில் 39 ரன்களை குவித்தார்.
கடைசியாக களம் இறங்கிய ஜேசன் ஹோல்டர் 10 பந்துகளில் 26 ரன்களை குவித்தார்.
14.1 ஓவர் முடிவில் ஹைதராபாத் அணி 121 ரன்களை குவித்து 35 பந்துகள் எஞ்சிய நிலையில் 5 விக்கெட் வித்தியாசத்தில் வெற்றி பெற்றது.
Source : WWW.PUTHIYATHALAIMURAI.COM