ட்ரம்ப் அரசில் தேசிய புலனாய்வு இயக்குநராக செயல்படவிருக்கிறார் துளசி கபார்ட். இத்தகைய உயர் பதவிக்கு வரும் முதல் இந்து – அமெரிக்கர் துளசிதான்.
இதுகுறித்த அதிகாரப்பூர்வ அறிவிப்பை வெளியிடுகையில் துளசியை ‘Fearless Spirit’ எனப் புகழ்ந்தார் ட்ரம்ப்.
43 வயதாகும் துளசி கபார்ட் தனது 21 வயதில் ஹவாய் பிரதிநிதிகள் சபை உறுப்பினராக அரசியல் பயணத்தைத் தொடங்கினார். அப்போது ஹவாய் பிரதிநிதிகள் சபையில் (சட்டமன்றம்) தேர்ந்தெடுக்கப்பட்ட இளவயது உறுப்பினராகவும், பிரதிநிதிகள் சபை உறுப்பினராகும் முதல் இந்து பெண்ணாகவும் சாதனை படைத்தார். அவரது பதவியேற்பிலும் இந்துக்களின் புனித நூலான பகவத் கீதையின் மீது சத்தியம் செய்து பதவியேற்றது குறிப்பிடத்தக்கது.
துளசி என்ற பெயரையும் அவரது சமயத்தையும் வைத்து அவர் ஒரு இந்திய வம்சாவளி என்ற முடிவுக்கு நாம் வரக் கூடும். ஆனால் அது அப்படியில்லை. துளசியின் குடும்பம் அமெரிக்காவில் அரசியல் பின்புலம் கொண்டது. அவரது தந்தை ஹவாய் மாநில செனட்டர் மைக் கபார்ட் மற்றும் அவரது மனைவி கரோல் போர்ட்டர் கபார்ட்.
கரோல் போர்ட்டர் கபார்ட், அமெரிக்காவின் ஹரே கிருஷ்ணா இயக்கம் அல்லது இஸ்கான் இயக்கம் வளர்ச்சியடைந்தபோது இந்துவாக மதம் மாறியவர். அவரது ஐந்து குழந்தைகளுக்கும் நாராயண், விருந்தாவன், பக்தி, துளசி, ஜெய் என இந்து பெயர்களை சூட்டினார்.
தாயின் வழியைப் பின்பற்றி டீன் ஏஜ் முதல் இந்து சமயத்தை ஏற்றுக்கொண்டுள்ளார் துளசி. 2015ம் ஆண்டு ஆபிரகாம் வில்லியம்ஸ் என்ற திரைப்பட இயக்குநரை திருமணம் செய்துகொண்டார். இவர்களது திருமணமும் இந்து முறைப்படியே நடைபெற்றது.
2003ம் ஆண்டு இராணுவத்தில் இணைந்த சில ஆண்டுகள் அமெரிக்க இராணுவ தேசிய காவலர் பிரிவில் பணியாற்றியிருக்கிறார்.
அரசியலில் வளர்ந்த துளசி, 2016ம் ஆண்டு ஜனநாயக கட்சியிலிருந்து குடியரசுக் கட்சிக்கு மாறினார். தற்போது ட்ரம்ப்பின் நம்பிக்கையைப் பெற்று, தேசிய புலனாய்வு இயக்குநர் (National Intelligence Director – DNI) என்ற உயர் பதவியை அடையவிருக்கிறார்.
CIA, NAS, FBI, INR உட்பட அமெரிக்காவின் 18 உளவு ஏஜென்சிகளின் செயல்பாடுகளை மேற்பார்வையிடும் பொறுப்பில் இருப்பவர்தான் தேசிய புலனாய்வு இயக்குர் (DNI).
ஜனவரி 20ம் தேதி பொறுப்பேற்கும் புதிய அரசின் முக்கிய அங்கமாக செயலாற்றவிருக்கிறார். இதனால் அமெரிக்க வாழ் இந்துக்கள் மகிழ்ச்சியடைந்துள்ளனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/2b963ppb
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/2b963ppb