Press "Enter" to skip to content

பிப்ரவரியில் வெளியாகும் சிவகார்த்திகேயனின் ‘டான்’?

சிவகார்த்திகேயனின் ‘டான்’ வரும் பிப்ரவரியில் வெளியாகிறது என்று தகவல்கள் தெரிவிக்கின்றன.

சிவகார்த்திகேயன் நடிப்பில் சமீபத்தில் வெளியான ‘டாக்டர்’ திரைப்படம் தியேட்டர்களில் வெளியாகி வசூலைக் குவித்துக் கொண்டிருக்கிறது. நெட்ஃப்ளிக்ஸ் டாப் 10 படங்களிலும் ட்ரெண்டிங்கில் உலகளவில் உள்ளது. அடுத்ததாக அறிமுக இயக்குநர் சிபி சக்ரவர்த்தியின் இயக்கத்தில், சிவகார்த்திகேயன் ’டான்’ படத்தில் நடித்து முடித்துள்ளார். லைகா நிறுவனத்துடன் இணைந்து சிவகார்த்திகேயன் இப்படத்தை தயாரிக்கிறார்.

image

‘டாக்டர்’ படத்தில் நடித்த பிரியங்கா அருள் மோகன் மீண்டும் இப்படத்தில் ஹீரோயினாக இணைந்திருக்கிறார். இவர்களுடன் ‘குக் வித் கோமாளி’ சிவாங்கி, எஸ்.ஜே சூர்யா உள்ளிட்டோர் நடிக்கிறார்கள். சமீபத்தில், இப்படத்தின் ஃபர்ஸ்ட் லுக் போஸ்டரும் புகைப்படங்களும் வெளியாகி கவனம் ஈர்த்தது. சிவகார்த்திகேயன் டப்பிங் பணிகளையும் முடித்துள்ளார். இந்த நிலையில், ‘டான்’ வரும் பிப்ரவரி 18 ஆம் தேதி தியேட்டர்களில் கொண்டுவர படக்குழு திட்டமிட்டிருப்பதாக தகவல் வெளியாகியுள்ளது.

Source : WWW.PUTHIYATHALAIMURAI.COM