“நான் பெரிய பவர் ஹிட்டர் எல்லாம் இல்லை. ஆனால் கோலி, ரோகித் போல பந்தை டைம் செய்ய கற்றுக் கொள்கிறேன்” என்று புஜாரா கூறியுள்ளார்.
“நான் ஒன்றும் பெரிய பவர் ஹிட்டர் எல்லாம் இல்லை. அதற்கு எனது ஸ்ட்ரைக் ரேட் தான் உதாரணம். அதை நான் ஒப்புக் கொண்டாக வேண்டும். இருந்தாலும் அதே சமயத்தில் நான் விராட் கோலி மற்றும் ரோகித் ஷர்மாவிடமிருந்து நிறைய கற்றுக் கொள்ள விரும்புகிறேன். இதில் ரோகித் பெரிய பவர் ஹிட்டர் எல்லாம் இல்லை. பந்தை சரியாக கணித்து அதற்கு ஏற்ற படிஷார்டர் பார்மேட் கிரிக்கெட்டில் டைம் செய்கிறார்” என தெரிவித்துள்ளார் சென்னை சூப்பர் கிங்ஸ் அணியின் வீரர் புஜாரா.
தொடர்ந்து பேசிய அவர் “அதே போல கேன் வில்லியம்சன் மற்றும் ஸ்டீவ் ஸ்மித் மாதிரயான வீரர்கள் அக்மார்க் கிரிக்கெட் ஷாட்களை தான் விளையாடுகிறார்கள். அதே நேரத்தில் புதுவிதமான ஷாட்களையும் விளையாடுகிறார்கள். அவர்களிடமிருந்து கற்றுக் கொள்ள விரும்புகிறேன்.
எனக்கும் புதுவிதமான ஷாட் ஆட வேண்டுமென்ற மைண்ட் செட் உள்ளது. அதன் மூலம் சாதிக்க விரும்புகிறேன். இருந்தாலும் எது நமது பலமோ அதில் நிலையாக நின்று விளையாடுவது ஒவ்வொரு வீரருக்குமான உத்வேகம்.
Pujara – The Wall in Yellove ??#WhistlePodu | @ChennaiIPL pic.twitter.com/MGeNalJr0x
— CSK Fans Army™ (@CSKFansArmy) April 3, 2021
தொடக்கத்தில் டி20 போட்டிகளில் விளையாடுவாதல் எனது டெஸ்ட் ஆட்டம் பாதிக்குமோ என்ற அச்சம் இருந்தது. ஆனால் இப்போது அப்படி இல்லை. எது எனது பலமோ அது அப்படியே தான் இருக்கும் என்ற நம்பிக்கை உள்ளது” எனத் தெரிவித்தார்.
நடப்பு ஐபிஎல் சீசனில் அடிப்படை விலையான 50 லட்ச ரூபாய்க்கு புஜாரா சென்னை அணியால் ஏலத்தில் எடுக்கப்பட்டுள்ளார்.
படம் நன்றி : CSK