பாகிஸ்தான் கிரிக்கெட் அணி நியூசிலாந்தில் சுற்றுப்பயணம் மேற்கொண்டு மூன்று டி20 மற்றும் இரண்டு டெஸ்ட் போட்டிகளில் விளையாடி வருகிறது. இந்த தொடரின் முதல் டி20 போட்டியில் நியூசிலாந்து அணி 5 விக்கெட் வித்தியாசத்தில் வெற்றி பெற்றுள்ளது. 


ஆக்லாந்தில் நடைபெற்ற போட்டியில் டாஸ் வென்ற பாகிஸ்தான் அணி முதலில் பேட்டிங் செய்தது. 20 ஓவர் முடிவில் 9 விக்கெட் இழப்புக்கு 153 ரன்கள் எடுத்தது அந்த அணி. அதிகபட்சமாக கேப்டன் ஷாதாஃப் கான் 42 ரன்கள் எடுத்தார். நியூசிலாந்து அணியின் அறிமுக வேகப்பந்து வீச்சாளர் டஃபி 4 விக்கெட்டுகளை வீழ்த்தினார். 


பின்னர் விளையாடிய நியூசிலாந்து அணி 5 விக்கெட்டுகளை இழந்த நிலையில் 18.5 ஓவரில் வெற்றி இலக்கை எட்டியது. அந்த அணிக்காக தொடக்க ஆட்டக்காரர் டிம் சைஃபர்ட் அதிகபட்சமாக 57 ரன்களை எடுத்தார். 3 போட்டிகள் கொண்ட தொடரில் நியூசிலாந்து அணி 1 – 0 என்ற கணக்கில் முன்னிலை வகிக்கிறது.

Source : WWW.PUTHIYATHALAIMURAI.COM

Sign In

Register

Reset Password

Please enter your username or email address, you will receive a link to create a new password via email.